• Romantic Shayari in hindi

    Mere dil mein basi hararat ho tum,
    Meri aankhon ko mili shararat ho tum,
    Dekhun tumhein to paalun mein duniya,
    Na milo to milne ki baghavat ho tum,
    Tumhari khamoshi keh jaati hai kai baatein,
    Jise yaad karta hai dil kai raatein,
    Tumhare nanhe nanhe se haath aur badi badi baatein,
    Yaad reh jaati hein tumse hui sab mulakatein,
    Ummeed ho hamari aanewala kal ho tum,
    Hamare dilon mein basi mohabbat ho tum…

    Haan, maine bhi pyaar kiya hai
    Dil tujhko hee yaar diya hai.
    kyun aisa kaam kiya hai?
    Maine khud ko badnaam kiya hai.
    Yahi hoti hai sachayii
    dil de dete hai kisi ko bhi bhai.
    sochte samkhte kuch bhi nahi,
    kar dete hai do khata, jo theek kar sakte nahi.

    Bas kar ujrein ge, kabhi socha naa tha…
    Inn lamhaat se guzrein ge, kabhi socha naa tha…
    Kitna pyar tha humein apne aap se…
    Zindagi ban jayegi Azaab, kabhi socha na tha…
    Unhein to fikr bhi naa thi humari…
    Humein fikr ho jayegi unki, kabhi socha naa tha…
    Apno ne haath uthaya sar se, phir darbadar huye ghar se…
    Itne bhi mushkil lamhaat aaein ge, kabhi socha naa tha……

    Kaun ho tum?
    Jo mere dilo-dimag par
    Is tarah chh gaye ho
    Kaun ho tum
    jo is tarah chupke se
    Meri jindagi me aa gaye ho
    Kabhi door lagte ho , bahut door
    Kabhi paas , ekdam paas
    Pal men hota hunk hush
    Pal men udas.
    Hari ghas aur hari ho gai hai
    Aur neela aasman aur bhi
    Neela ho gaya hai
    Phir bhi kuchh hai
    Jo kho gaya hai.
    Kaun ho, tum
    jo meri neend udathe ho
    tum jo mera chain churate ho
    tum jo meri dhadkanon men sama gaye ho
    tum jo is tarah chupke se
    meri jindagi me aa gaye ho
    kaun ho?
    Kaun ho tum

    Meri jaan se bhi pyare ho tum,
    mere tamam hasraton ki manzil ho tum,
    mere dil ki har khushi ho tum,
    barson tarsi jis pyar ko me,
    us pyar ka arman ho tum,
    meri jaan se bhi pyare ho tum…

    Teri ek hasi pe ye dil qurbaan kar jaoo,
    Aitraaz na ho agar to tera dil chura le jaoo,
    Na behne du kabhi in aakho se aansu,
    Tu kahe to tere saare sitam sah jaoo.
    Hasta hua rakhu tere labo ko hamesha,
    Chumkar jinhe woh pyaari muskaan de jaoo,
    Seene se laga ke rakhu tumhe,
    mann to karta hai tujhme sama jau.
    Sunti hi rahu tumhari dhadkano ko,
    aur apne dil ki har baat kah jau,
    gum ko kabhi kareeb na aane du,
    aur tumhe zindage ki khushiya tamaam de jaoo

    Kisi ke khatir mohabbat ki inteha kar do…..
    Lekin itna bhi nahi ki usko khuda kar do…….
    Mat chaho kisi ko toot kar itna……
    ki apni hi wafao se usko bewafa kar do……

    Prem Parichay Ko Pehchan Bana Deta Hai,
    Prem Registaan Ko Gulistaan Bana Deta Hai,
    Main Apni Aap-beeti Kehta Hoon Gairon Ki Nahin,
    Prem Insaan Ko Bhagwaan Bana Deta Hai.

    Woh Nazar kahan se laun jo tumhe bhulade,
    Woh dawa kahan se laun jo is Dard ko mitade,
    Milna to likha hota hai Taqdiron me Par,
    Woh Taqdir hi kahan se laun joh Hum Dono ko milade…
    `
    Manzil Bhi Kho Chuke Humsafar Bhi Nahin Raha
    Meri Kisi Bhi Duaa Main Sayad Asaar Hi Nahin Raha
    Jab Se Huyee Hai Dil Ko Khabar wo bichaddh raha hai mujhse
    Lafzoon Ko Jodnay Ka Tabse Hunaar Bhi Nahi Raha…
    `
    Paane se khone ka maza aur hai…
    Bandh aankhon main rone ka maza aur hai…
    Aansoo bane lafz aur lafz bane shayari…
    aur uss shayari main tere hone ka maza aur hai…
    `
    Duniya mein kisi se kabhi pyar mat karna,
    Apne anmol aansoo iss tarah bekar mat karna,
    Kaante to phir bhi daman tham lete hain ,
    Phulon pe iss tarah kabhi aitebar mat karna..
    `
    Unhone dekha aur aansu gir pade,
    Bhari Barsaat mein jaise phool bikhar pade,
    Dukh yeh nahi ki unhone hume alvida kaha,
    dukh to yeh hain ki uske baad woh khud ro pade..

    Bin Aapke Kuch Bhi Aacha Nahi Lagta,
    Ab Mera Wajood Bhi Saccha Nahi Lagta.
    Sirf Aapke Deedar K Intezaar Me Kat Rahi Hai Zindagi..,
    Varna Kabki Maut Ki Aagosh Me So Jati Ye Zindagi.
    Laut Aao K Aapke B’gair Ek Lamha Nahi Kat Ta
    Bin Aapke Kuch Bhi Accha Nahi Lagta…